ریاست کرناٹک کے ضلع بیدر میں محکمہ اقلیتی فلاح کے تحت چلائے جانے والے مولانا آزاد ماڈل انگریزی میڈیم اسکول میں چھٹی، ساتویں اور آٹھویں جماعت کے لیے داخلے جاری ہیں۔
مولانا آزاد ماڈل انگریزی میڈیم اسکول کی ٹیچر صفورہ بیگم نے بتایا کہ شہر بیدر میں محکمہ اقلیتی فلاح کے تحت مولانا آزاد ماڈل انگریزی میڈیم کے چار اسکول ہیں۔
انہوں نے کہا کہ اسکول میں مسلم، کرسچن، بدھ، جین، پارسی مذہب سے جڑے احباب کے بچے جو پانچویں جماعت میں کامیاب ہوئے ہیں، ان کے لئے چھٹی جماعت میں داخلے جاری ہیں۔ اس کے علاوہ ساتویں اور آٹھویں جماعت میں بھی داخلے لیے جا رہے ہیں۔
انہوں نے کہا کہ مولانا آزاد ماڈل اسکول میں چھٹی جماعت سے داخلے شروع ہوتے ہیں۔ کسی بھی جماعت میں داخلے مفت ہیں۔ اس کے علاوہ وہ کھانا، کتابیں، کاپیاں، لیب، لائبریری یونی فارم، بوٹ، بیگ طلبہ و طالبات کو مفت دیے جاتے ہیں۔
انہوں نے شہر بیدر کی عوام سے اپیل کی کہ وہ اپنے بچوں کو مولانا آزاد ماڈل، انگریزی میڈیم اسکول میں داخلے کروائیں۔ اس موقع پر محمد نبی، اسد الدین کے علاوہ اسکول کے دیگر اساتذہ بھی موجود تھے۔