'نوجوان خود آگے آئیں اور قیادت کے فقدان کو ختم کریں'

ملک میں سیاسی و سماجی اعتبار سے پیدا ہوئی پیچیدہ صورتحال سے پریشان چند سماجی کارکنان کی جانب سے معاشرے میں تبدیلی لانے کی نیت سے ایک میٹنگ کا انعقاد کیا گیا۔

اس خصوصی اجلاس میں بحث و مباحثہ کے بعد یہ طے پایا کہ سماجی کارکنان کا یہ گروپ افسردہ و محروم طبقات کو سماجی، سیاسی و معاشی اعتبار سے مستحکم کرنے و ان کی ترقی کے لیے کام کرے گا۔

میٹنگ میں شریک کارکنان کہتے ہیں کہ مذکورہ گروپ مظلوم طبقات کی آواز بنے گا اور ان کے حقوق و انصاف کے لیے جدوجہد کرے گا۔

اس موقع پر ان سماجی کارکنان نے نام نہاد مسلم سیاستدانوں کے حقیقی نمائندے نہ بننے پر برہمی کا اظہار کیا۔ انہوں نے کہا کہ مسلم سیاستدانوں کی خودغرضی کی وجہ سے ملت میں جوان قیادت کا فقدان ہے۔ لہذا نوجوان آگے آئیں اور ہر اعتبار سے قیادت کا محاذ سنبھالیں۔