ملک کے مختلف شہروں میں شہریت ترمیمی قانون، این آرسی اور این پی آر کے خلاف مسلسل احتجاج جاری ہے۔ تو وہیں گلبرگہ میں بھی نیشنل کالج کے سامنے سی اے اے کے خلاف جوائنٹ ایکشن کمیٹی کے جانب سے مظاہرہ کیا جارہا ہے۔
اس موقع پر جوائنٹ ایکشن کمیٹی کے رکن افضل محمود نے ای ٹی وی بھارت کو بتاتے ہوئے کہا 'یہ دھرنا ایک ہفتے تک مسلسل جاری رہے گا، یہاں پر سی اے اے کی مخالفت میں دستخط مہم بھی چلائی جارہی ہے، عوام سے اپیل کی گئی ہے کہ وہ دھرنا میں شریک ہو کر سی اے اے کی مخالفت میں اپنی دستخط کر کے اپنا احتجاج درج کرا سکتے ہیں'۔
ایک اور بزرگ نے بتایا کہ 'یہ دھرنا صبح 10 بجے سے رات 10 بجے تک جاری رہے گا، جب تک حکومت اس قانون کو واپس نہیں لیتی یا کوئی ترمیم نہیں کرتی تب تک یہ دھرنا جاری رہے گا'۔
