بیگو سرائے: آسمانی بجلی سے تین افراد ہلاک

ریاست بہار میں بیگو سرائے ضلع کے مختلف تھانہ علاقوں میں منگل کو آسمانی بجلی سے تین لوگوں کی موت ہو گئی۔

پولیس ذرائع نے بتایا کہ ضلع کے چیریا بریار پور تھانہ علاقہ کے بھیتی ہاراہی گاﺅں کے نزدیک آسمانی بجلی کے واقعے میں نندن پنڈت کی 48 سالہ اہلیہ سونا دیوی اور 18 سالہ بیٹی کاجل کماری کی موقع پر ہی موت ہو گئی جبکہ دوسری بیٹی ببیتا کماری شدید طور سے زخمی ہو گئی۔

ببیتا کو علاج کے لئے چیریا بریا پور پرائمری ہیلتھ مرکز میں داخل کرایا گیا ہے۔ ذرائع نے بتایا کہ ضلع کے ناﺅ کوٹھی تھانہ علاقہ کے سمسا پنچایت کے جیت پور گاﺅں میں آسمانی بجلی سے پانڈو کمار (08) کی موت ہو گئی۔ لاشیں پوسٹ مارٹم کیلئے بھیج دی گئی ہیں۔