بولیرو کی زد میں آنے سے تین لوگوں کی موت

بہار میں بیگو سرائے ضلع کے منجھول تھانہ علاقہ کے نتیا نند چوک پر آج بولیرو کی زد میں آنے سے تین لوگوں کی موت ہوگئی ۔

پولیس ذرائع نے یہاں بتایاکہ نتیا نند چوک پر تین لوگ کھڑے تھے تبھی تیز رفتار بولیرو نے انہیں کچل دیا ۔

اس واقعہ میں تینوں کی موقع پر ہی موت ہوگئی ۔ حادثہ کے بعد بولیرو ڈرائیور گاڑی سمیت فرار ہو گیا ۔

ذرائع نے بتایاکہ مرنے والوں کی شناخت منجھول پنچ مکھی ہنومان ٹولہ باشندہ دینا عرف دنیش سہنی ، راج کمار سہنی اور راجا سہنی کے طور پر کی گئی ہے ۔

پولیس نے لاشوں کو قبضہ میں لے کر پوسٹ مارٹم کیلئے بیگو سرائے صدر اسپتال بھیج دیا ہے۔