لاک ڈاؤن پر مکمل طور سے عمل کرانے اور لاک ڈاؤن ہٹنے کے بعد کوویڈ-19 سے تحفظ کے لئے اتر پردیش کے وزیر اعلیٰ یوگی آدتیہ ناتھ نے ریاست کے تمام اضلاع کے مذہبی رہنماؤں کے ساتھ میٹنگ کی اور انہیں ضروری ہدایات دی ساتھ ہی ساتھ تمام لوگوں سے مشورے بھی لئے۔
بارہ بنکی سے اس ویڈیو کانفرینسنگ میں 11 مذہبی رہنماؤں نے حصہ لیا۔
وزیراعلیٰ یوگی آدتیہ ناتھ نے آج اعلان کیا کہ ریاست میں 15 اپریل سے لاک ڈاؤن ہٹایا جائے گا۔ لاک ڈاؤن ہٹنے کے بعد کووڈ-19 کا خترہ دوبارہ نہ ہو، اس کے لئے وزیراعلیٰ نے دن بھر ویڈیو کانفرینسنگ کے ذریعہ میٹنگ کی۔
اس دوران شام 5 بجے انہوں نے تمام اضلاع کے معزز شخصیات کو بتایا کہ لاک ڈاؤن کے بعد انہیں کیسے احتیاط برتنی ہے۔ انہوں نے ان شخصیات سے تعاون کی اپیل کی اور ان سے ضروری مشورے بھی لئے۔ اس کے علاوہ لاک ڈاؤن کےباقی بچے دنوں میں سماجی فاصلہ پر مکمل طور سے عمل کرانے کی اپیل بھی کی ہے۔
اس دوران مذہبی رہنماؤں نے یقین دہانی کرائی کہ وہ وزیراعلیٰ کی ہدایات پر عمل کریں گے.
