رائے بریلی: سڑک حادثے میں دو بھائیوں کی موت، 9زخمی

ریاست اتر پردیش کے ضلع رائے بریلی میں ایک دلدوز سڑک حادثے میں دو بھائیوں کو موت واقع ہوگئی جبکہ 9افراد زخمی ہو گئے جن میں سے تین کی حالت نازک ہے۔

ریاست اترپردیش کے ضلع رائے بریلی کے نصیرآباد علاقے میں بدھ کو تیز رفتار جیپ بے قابو ہوکر سڑک کنارے پانی بھرے کھائی میں پلٹ گئی۔ اس حادثے میں دو چچا زاد بھائیوں کی موت ہوگئی جبکہ دیگر 9افراد زخمی ہو گئے۔

پولیس ذرائع نے بتایا کہ صبح کچھ مقامی افراد پرسدے پور سے بس میں سوار ہوکر لدھیانہ جانے والے تھے۔ اس سلسلے میں ایک جیپ ایسے مسافروں کو جگہ جگہ سے لے کر بس تک پہنچا رہی تھی۔

انہوں نے بتایا کہ جیپ میں نصیر آباد باشندہ راجا رام(40)اپنے چچا زاد بھائی ونود جگو پاسی اور 12دیگر افراد کے ساتھ سوار تھے۔ سبھی لوگ بس سے پنجاب جا رہے تھے۔ اس درمیان جیپ نصیر آباد علاقے کے سلون روڈ پر ایک پلیا کے نزدیک بے قاہوکر سڑک کنارے گڑھے میں پلٹ گئی جس میں کافی پانی بھرا تھا۔

اس حادثے میں دونوں چچا زاد بھائیوں کی موقع پر ہی موت ہوگئی جبکہ دیگر 9افراد زخمی ہو گئے۔ اس حادثے میں جیپ ڈرائیور بھی شدید طور سے زخمی ہوگیا ہے۔

زخمیوں کو اسپتال میں داخل کرایا گیا ہے جہاں تین کی حالت نازک بتائی جا رہی ہے۔