این آر آئی کے گھر سے لاکھوں روپے اور زیورات لے کر چور فرار

بریلی شہر کی خوشبو کالونی میں کرائے پر رہ رہےعبدالصمد عمان میں ملازمت کرتے ہیں اور اُنکی اہلیہ طبیعت خراب ہونے کی وجہ سے ہسپتال میں زیر علاج تھیں۔

ریاست اتر پردیش کے شہر بریلی کی محفوظ کہی جانے والی خوشبو کالونی میں چوروں نے ایک بڑی چوری کی واردات انجام دی ہے۔

اس مکان میں کرائے پر رہ رہےعبدالصمد عمان میں ملازمت کرتے ہیں اور اُنکی اہلیہ طبیعت خراب ہونے کی وجہ سے ہسپتال میں زیر علاج تھیں۔

گھر میں تالہ لگا ہوا تھا، چوروں نے موقع پاتے ہی گھر کا سارا بیش قیمتی سامان چوری کر لیا، بہرحال پولس نے اس معاملے میں ایف آئ آر درج کر لی ہے۔

بریلی شہر کی خوشبو کالونی میں چوروں نے ایک این آر آئی کے گھر سے لاکھوں روپے اور زیورات چوری کر لئے۔

کرائے کے مکان میں رہنے والے عبد الصمد خان عمان میں ملازمت کرتے ہیں، اُنکی اہلیہ مُسکان اور دس سالہ بیٹا شوانش گھر میں ہی رہتے ہیں۔

اہلیہ مُسکان کی طبیعت خراب تھی تو اُنہوں نے جانچ کرائی جانچ میں ملیریا کی تصدیق ہونے کے بعد وہ ایک پرائیویٹ ہسپتال میں داخل ہو گئیں۔

اور بیٹے شوانش کو اکیلا ہونے کی وجہ سے چاچا سلمان خان اپنے گھر لے گئے اور گھر میں تالا لگا دیا گیا تھا۔

دو دن ہسپتال میں داخل رہنے کے بعد جب مُسکان گھر لوٹی تو سارا سامان بکھرا ہوا تھا اور بیش قیمسی زیورات اور نقد رقم غائب تھےمزید
مُسکان نے فوراً پولس کو اطلاع دی، علاقائی تھانہ بارہ دری پولیس اپنے ساتھ فیلڈ یونِٹ کو لیکر پہنچی اور موقع پر فِنگر پرنٹ لئے گئے۔

مُسکان کے مطابق چوروں نے نقد رقم، ایل سی ڈی، ہوم ٹھئیٹر سمیت دس لاکھ روپے کے قیمتی زیورات چوری کئے ہیں۔

چور رات میں کسی وقت گھر کے پچھلے حصہ میں لگی لوہے کی گِریل کاٹ کر گھر میں داخل ہوئے اور اطمینان سے چوری کی واردات کو انجام دیا ہے۔

فی الحال پولس نے ایف آئی آر درج کرکے معاملے کی تحقیقات شروع کر دی ہے اور پڑوس کے مکانوں میں لگے سی سی ٹی وی فُٹیج کی بنیاد پر چوروں کی تلاش شروع کر دی ہے۔