اترپردیش کے بجنور سے متصل جنگل سے نکل کر ایک بیمار ہاتھی گنے کے کھیت میں جاکر گرگیا۔
بیمارہاتھی جنگل سے نکلا، کھیت میں گرگیا
اترپردیش کے بجنور ضلع کے تھانہ نگینہ کے بڑھاپور ون رینج کے موضع چکمیا محکم پورا میں آج دوپہر جنگل سے ہوتا ہوا ایک بیمار جنگلی ہاتھی گنے کے کھیت میں جا گھسا اور لیٹ گیا۔
کسانوں کی تمام کوششوں کے باوجود بھی بیمار ہاتھی اپنے پیروں پر کھڑا نہ ہوسکا، مقامی افراد نے اس سلسلے میں محکمہ جنگلات کو مطلع کیا۔ موقع پر پہنچے محکمہ جنگلات کے افسر نے ہاتھی کا علاج شروع کیا۔ ساتھ ہی جنگلات محکمہ نے نگرانی کے طور پر یہاں اپنی ٹیم کو متعین کیا ہے۔
بیمار ہونے کی وجہ سے ہاتھی گھنٹوں تک یہاں سے اٹھ نہ سکا۔