اترپردیش کے ضلع بریلی میں مدھیانچل وددت وترن نگم انتظامیہ نے ایک کولڈ اسٹور میں سواکروڑ روپے کی بجلی چوری پکڑے جانے کے معاملے میں ایس ڈی او اور جے ای کو فوری اثر سے معطل کردیا ہے، پاور کارپوریشن نے بجلی چوری پکڑے جانے کے بعد اس کی اعلی سطحی جانچ کا بھی حکم دیا ہے۔
یہ بھی پڑھیں: ہاتھرس کے بعد بلرامپور میں لڑکی کے ساتھ گینگ ریپ
ڈائرکٹر سوریہ پال گنگوار نے آج یہاں بتایا کہ گذشتہ مہینے بریلی کے اسنیہ کولڈ اسٹوریج میں سوار کروڑ روپے سے زیادہ کی بجلی چوری پکڑے جانے کے بعد اس کی جانچ پاور کارپوریشن سے کرائی گئی، اس میں آنولا ایس ڈی او وجئے کمار قنوجیا اور بھوپیندر کے سشیل کمار قصور وار پائے گئے۔اس کے بعد آنولہ ایس ڈی او وجے کمار قنوجیا اور بھمورا سب اسٹیشن کے جے ای سشیل کمار کو معطل کیا گیا ہے۔
آنولہ ایس ڈی او کو بریلی چیف انجینئر اور جے ای کو بریلی میں گرامین وترن کھنڈ سے منسلک کیا گیا ہے، گنگوار نے کہا کہ لائن لاس کم کرنے اور وددت چوری پر کنٹرول کے لئے مہم چلائی جارہی ہے۔
ایک اطلاع کی بنیاد پر سپرنٹنڈنٹ انجینئر ایس ٹی جلیل کی قیادت میں 26 اگست کی رات اسنیہ کولڈ اسٹوریج کی جانچ کی گئی، احاطے میں 110 ایچ پی پاور کنیکشن سے بائی پاس کر بجلی چوری کے ثبوت ملے، ٹیم نے کیبل اور میٹر اپنے قبضے میں لے لیا تھا اور تھانہ بھمورا میں ایف آئی آر درج کرائی گئی ہے۔