سعودی عرب میں یرغمال نوجوان کی وطن واپسی کی امید کی کرن نظر آ رہی ہے۔ نوجوان نے اپنے ساتھ ہوئے ظلم و زیادتی کا ایک ویڈیو وائرل کیا تھا۔ اس کے بعد بریلی پولیس نے وزارت خارجہ سے رابطہ قائم کیا ہے اور پورے معاملے کی جانکاری فراہم کی ہے۔
رخسان کے جلد وطن واپس آنے کی امید بریلی میں مسلم اکثریتی بلاک بِتھری چینپور کے گاؤں پدارتهپور کے رخسان خاں سنہ 2017ء میں سعودی عرب کام کے سلسلے میں گئے تھے۔ وہاں وہ ڈرائیور کی حیثیت سے کام کر رہے تھے۔ وہ دو برس بعد ایک مرتبہ گھر آئے اور دوباره سنہ 2019ء میں سعودی عرب چلے گئے۔ ان کے کفیل نے رخسان کو کسی دیگر مالک کے حوالے کر دیا اور یہ وعدہ کیا اب ان کی تنخواه میں بھی اضافہ ہوگا۔ دوسرے مالک نے محض دو سے تین مہینے تک ہی تنخواہ دی اور اس کے بعد یہ کہہ دیا کہ دو برس بعد جب وہ سنہ 2021ء میں گھر واپس جائے گا تو ساری رقم ایک ساتھ ادا کی جائے گی۔ صرف کھانے اور کپڑے کا خرچ ہی ملتا رہے گا۔ رخسان کے جلد وطن واپس آنے کی امید اب رخسان گھر واپس آنا چاہتے ہیں تو مالک نے اُس کا پاسپورٹ، ویزا اور باقی دستاویز اپنے پاس رکھ لیے ہیں۔ وہ نہ تو انہیں گھر واپس آنے دے رہا ہے اور نہ ہی تقریبا دو برس کی تنخواہ کی رقم ادا کر رہا ہے۔ رُخسان نے ایک ویڈیو وائرل کرکے حکومت ہند سے مدد کی التجا کی ہے۔
رخسان کے جلد وطن واپس آنے کی امید یہ بھی پڑھیں:
بریلی: سماج وادی پارٹی کا مہنگائی کے خلاف احتجاج
رُخسان خان کے مطابق جب اس نے مالک کی شکایت 'لیبر کورٹ' میں کی تو مالک نے ظلم و زیادتی کی تمام حدیں پار کر دیں۔ رُخسان کو گھر چھوڑنا پڑا اور اب وہ دربدر اپنے متعلقین کے پاس جاکر ایک ایک دن گزار رہا ہے۔
رخسان کے جلد وطن واپس آنے کی امید رخسان کے والدین کے مطابق رخسان نے اپنے مالک پر اعتماد اس لیے بھی کیا تھا کہ جب وہ دو برس بعد گھر واپس جائے گا تو ہاتھ میں بڑی رقم آئے گی اور پھر دو جوان بہنوں کی شادی آسانی سے ہو جائے گی۔ لیکن مالک کے دهوکہ دینے سے سارے ارمانوں پر پانی پھر گیا ہے۔
بہرحال خان کے والدین نے ویڈیو وائرل ہونے کے ساتھ ہی پولیس کو اب سے تقریبا ایک مہینہ قبل ہی اطلاع دے دی تھی۔ محکمہ پولیس کے اعلیٰ افسر ایس ایس پی روہیت سنگھ سجوان نے رخسان کی محفوظ واپسی کے لیے وزارت خارجہ سے رابطہ قائم کیا ہے۔ امید ہے کہ رخسان خاں جلد ہی اپنے وطن واپس لوٹ کر آئے گا۔
