مفت ماسک تقسیم و عوام بیداری پروگرام

بریلی امن کمیٹی نے شہر کوتوالی کے سامنے عام شہریوں کو ماسک تقسیم کیے اور ماسک حاصل کرنے والے شہریوں سے اپیل کی کہ وہ دیگر شہریوں کو بھی ماسک کا استعمال کرنے کے لیئے بیدار کریں۔

اتر پردیش کے ضلع بریلی میں شہر کی 'بریلی امن کمیٹی' نے ماسک تقسیم کیے ساتھ ہی لوگوں کو تاکید کی کہ کورونا وائرس کا اثر کچھ کم ضرور ہوا ہے، لیکن خطرہ ابھی ختم نہیں ہوا ہے۔

کمیٹی نے لوگوں سے خود بھی ماسک استعمال کرنے کی اپیل کی اور دیگر لوگوں کو بھی بیدار کرنے کی گزارش کی۔ بریلی امن کمیٹی گذشتہ تیس برسوں سے لوگوں کی مدد کرتی آرہی ہے۔ شہر کے مختلف مذاہب کے عہدیداران و کارکنان اس کمیٹی کا خاص حصّہ ہیں۔

ان دنوں کورونا وائرس کے انفیکشن سے محفوظ رہنے کی سب کو ضرورت ہے۔ کیونکہ کورونا وائرس کا اثر کافی حد تک کم ضرور ہو گیا ہے، لیکن خطرہ ابھی مکمل طور پر ختم نہیں ہوا ہے۔لہذا لوگوں کو ابھی بھی سینیٹائز کرنے اور ماسک لگانے کی ضرورت ہے۔

اسی مقصد سے بریلی امن کمیٹی نے شہر کوتوالی کے سامنے عام شہریوں کو ماسک تقسیم کیے اور ماسک حاصل کرنے والے شہریوں سے اپیل کی کہ وہ دیگر شہریوں کو بھی ماسک کا استعمال کرنے کے لیئے بیدار کریں۔