World Soil Day 2021:سوپور کے زرعی یونیورسٹی میں عالمی یوم مٹی تقریب کا انعقاد

سوپور میں واقع زرعی یونیورسٹی میں عالمی یوم مٹی World Soil Day تقریب کا انعقاد کیا گیا ۔جس میں شعبہ زراعت کے ڈائریکٹر محمد اقبال چودھری نے شرکت کی۔

شمالی کشمیر کے ضلع بارہمولہ کے سوپور میں واقع زرعی یونیورسٹی واڈورہ میں عالمی یوم مٹی کے عنوان پر ایک تقریب کا اہتمام کیا گیا ۔جس میں یونیورسٹی کے تدریسی و غیر تدریسی عملے کے ساتھ ساتھ طلباء نے بھی شرکت کی۔

اس پروگرام کے مہمان خصوصی کے طورپر شعبہ زراعت کے ڈائریکٹر محمد اقبال چودھری نے شرکت کی۔

مذکورہ تقریب میں چیف ایگریکلچر افسر بارہمولہ کے ساتھ ساتھ دیگر افسران نے عالمی یوم مٹی کی اہمیت اور خصوصیات Importance Of Soil Preservation پر تفصیلی روشنی ڈالی۔

میڈیا کے نمائندوں سے بات کرتے ہوئے پروفیسر امتیاز نے کہا کہ اس پروگرام کے انعقاد کا مقصد طلباء میں عالمی یوم مٹی کی اہمیت اور حکومت کی جانب سے مختلف اسکیمات سے طلباء کو واقف کرانا تھا۔

طلباء نے اس پروگرام کی ستائش کرتے ہوئے امید ظاہر کی کہ آنے والے دنوں میں اس طرح کہ مزید پروگرامز منعقد کئے جائینگے۔