'اقتدار میں آئے تو جموں کشمیر لبریشن فرنٹ سے پابندی ہٹائیں گے'

پی ڈی پی صدر محبوبہ مفتی نے کہا :'کشمیر میں  این آئی اے اور پوٹا نیشنل کانفرنس کی ہی دین ہے'۔

محبوبہ مفتی نے کہا کہ اگر ان کی پارٹی اقتدار میں آئی تو وہ جموں کشمیر لبریشن فرنٹ پر عائد کی گئی پابندی ہٹا ئیں گی۔

انہوں نے کہا کہ جموں و کشمیر کو جیل خانہ بنانے سے مسئلہ کشمیر حل نہیں ہوگا۔

ضلع بارہمولہ میں عوامی ریلی سے خطاب کرتے ہوئے محبوبہ مفتی نے کہا کہ جماعت اسلامی اور لبریشن فرنٹ پر پابندی عائد کرنے سے یہاں کی عوام میں ذہنی تناؤ میں اضافہ ہو گا۔

انہوں نے کہا کہ پابندیوں سے کچھ حاصل نہیں ہوگا، پابندیاں عاید کرنے اور جموں کشمیر کو جیل خانہ بنانے سے مسئلہ کشمیر حل نہیں ہوگا۔

محبوبہ مفتی نے کہا کہ کسی بھی خیال کو تبدیل نہیں کیا جا سکتا ہے اور مسئلہ کشمیربھی ایک خیال ہے ۔ اس خیال کو ایک خیال کے ذریعے ہی حل کیا جاسکتا ہے۔

پاکستانی حکومت کی جانب سے سے شاردا پیٹھ کھولنے کے اقدام کی ستائش کرتے ہوئے محبوبہ مفتی نے کہا 'ہم چاہتے ہیں کہ ہماری پنڈت برادری کے لوگ وہاں جائیں اور اپنے تیرتھ استھان کی پوجا کریں'۔

انہوں نے شاردا پیٹھ کاریڈور کھولنے کو مرحوم مفتی سید کا فارمولہ قرار دیتے ہوئے کہا کہ اس کے علاوہ اور بھی راستے کھلنے چاہئے'۔