شمالی کشمیر کے ضلع بارہمولہ کے ڈاک بنگلہ میں آج مرکزی وزیر و یونین منسٹر سربندا سونووال نے ایک کانفرنس کی جس میں ان کے ہمراہ ڈپٹی کمشنر بارہمولہ بپندر کمار بھی موجود تھے۔ انہوں نے اس دوران کہا کہ 'مجھے وزیر اعظم نریندر مودی نے کہا کہ آپ کشمیر کا دورہ کریں اور وہاں جاکے آپ صحت بالخصوص آیوش کے حوالے سے جانکاری حاصل کرکے وہاں کے نظام کا جائزہ لیں تاکہ جو بھی وہاں پر صحت کے حوالے سے موجودہ درپیش مشکلات ہیں ان کا وقت پر ازالہ ہو سکے۔
انہوں نے کہا کہ نوجوانوں کے اندر جو ہنر ہے وہ قابل تعریف اور قابل فخر ہے۔ انہوں نے مزید کہا کہ ہم زمینی سطح پر صحت کو مضبوط بنانے کی بھرپور کوشش کریں گے تاکہ جو بھی مشکلات لوگوں کو درپش ہیں ان کا ہم وقت پر ازالہ کرسکیں۔ انہوں نے کہا کہ میں یہاں کے نوجوانوں سے اپیل کرنا چاہتا ہوں کہ یوگا کے ساتھ اپنا وقت دے کر اپنی صحت کا خاص خیال رکھیں۔