نامعلوم خاتون کی لاش برآمد

شمالی کشمیر کے ضلع بارہمولہ کے سوپور کے علاقے سیالو میں نامعلوم خاتون کی لاش برآمد ہوئی ہے۔

اطلاعات کے مطابق کچھ مقامی افراد نے آج صبح سوپور کے گاؤں سیلو میں لاش کو دیکھا اور فوری طور پر پولیس کو اس کے بارے میں آگاہ کیا۔

انہوں نے بتایا کہ اطلاع ملنے کے فوراً بعد ہی پولیس کی ایک ٹیم موقع پر پہنچی اور لاش کو برآمد کر لیا اور اس سلسلے میں پولیس کی جانب سے مزید تفتیش شروع کردی گئی ہے۔