ڈوڈہ میں عسکریت پسندوں کے ٹھکانوں کا انکشاف

جموں و کشمیر کے ڈوڈہ میں پولیس نے عسکریت پسندوں کے ٹھکانوں کا انکشاف کرتے ہوئے بڑی مقدار میں گولہ بارود برآمد کیا۔

ضلع ڈوڈہ کی تحصیل کاہرہ کے ٹانٹا گاؤں میں تلاشی کارروائی کے دوران پولیس و سکیورٹی فورسز نے علاقہ میں موجود جنگجوؤں کی ایک کمین گاہ سے بھاری مقدار میں اسلحہ و بارود برآمد کرنے کا دعوی کیا ہے۔

ذرائع کے مطابق مصدقہ اطلاع ملنے پر پولیس، راشٹریہ رائفلز ایس ایس بی نے مشترکہ طور پر کاہراہ تحصیل کے ٹانٹا گاؤں کے نزدیکی جنگل میں تلاشی آپریشن شروع کیا ہے

تلاشی کے دوران سکیورٹی فورسز نے ایک کمین گاہ سے بھاری مقدار میں اسلحہ وبارود سمیت کچھ دستاویز بھی برآمد کئے ہیں۔