جموں و کشمیر کے ضلع بارہمولہ کے سوپور قصبہ میں پیر کی دوپہر عسکریت پسندوں کے دن دھاڑے حملہ میں دو افراد ہلاک ہوگئے جن کے نام کاؤنسلر ریاض احمد اور ایک ایس پی او مشتاق احمد تھے جبکہ شمس الدین نامی شخص سنگین طور پر زخمی ہوگیا تھا۔
سوپور: عسکریت پسندوں کے حملہ میں دو افراد ہلاک
شمس الدین کو نازک حالت میں فوری طور پر سب ضلع ہسپتال سوپور پہنچایا گیا جہاں علاج کے دوران اس نے بھی زخموں کی تاب نہ لا کر آج صبح میں دم توڑ دیا۔
واضح رہے کہ ایس پی او مشتاق احمد اور کاؤنسلر ریاض احمد پیر کے روز عسکریت پسندوں کے ذریعے کیے گئے حملے میں موقع پر ہلاک ہوگئے تھے جبکہ شمس الدین نامی شخص کو شدید زخمی حالت میں سرینگر منتقل کیا گیا جس کا دوران علاج آج صبح میں انتقال ہوگیا۔