سوپور:مفت طبی کیمپ کا انعقاد

سوپورکے بہرام پورہ گاوں میں مفت میڈیکل کیمپ کا انعقاد کیا گیا جس میں کثیر تعداد میں مرد و خواتین اور بچوں نے اپنا چیک اپ کرایا۔

شمالی کشمیر کے ضلع بارہمولہ کے رفیع آباد کے بہرام پورہ گاوں میں احمد زیپتھالوجی لیب کی جانب سے مفت طبی کیمپ کا انعقاد کیا گیا۔ اس کیمپ میں مذکورہ گاوں اور قرب و جوار کے مرد و خواتین اور بچوں نے اپنا میڈیکل چیک اَپ کرایا۔

اس طبی کیمپ کے انعقاد کا مقصد ڈائبیٹیز، ہائی پرٹینشن،کھانسی اور دیگر مہلک بیماریوں میں مبتلا مریضوں کو مفت جانچ کی سہولت فراہم کرنا تھا۔ اس موقع پر ای ٹی وی بھارت سے بات کرتے ہوئے ڈاکٹر صدف نے بتایا کہ اسپیشیلسٹ ڈاکٹرس کی ٹیم نے مریضوں کا چیک اَپ کیا ہے۔

انہوں نے مزید کہا کہ اس دوران لوگوں میں کورونا ویکسینشین کے تئیں بیداری بھی پیدا کی گئی کیونکہ لوگ ویکسین کے تعلق سے غلط فہمیوں کا شکار ہیں۔

انہوں نے مزید کہا کہ آنے والے وقت میں ایسے مزید طبی کیمپ منعقد کئے جائیں گے تاکہ عوام کو سہولت مل سکے۔ مقامی باشندوں نے اس مفت طبی کیمپ کے انعقاد پر مسرت کا اظہار کیا۔