کشمیرمیں صورتحال پُرامن: دلباغ سنگھ

جموں وکشمیر پولیس صورتحال کا جائزہ لگاتار لے رہی ہیں اور جلد ہی کشمیر میں فون اور انٹرنیٹ خدمات کو بحال کیا جائے گا۔

جموں وکشمیر پولیس کے سربراہ دلباغ سنگھ نے آج شمالی کشمیر کے ضلع بارہمولہ کا دورہ کیا۔ ان کے ہمراہ کشمیر پولیس کے ائی جی پی وجے کمار سمیت پولیس کے دیگر افسران موجود تھے۔

ذرائع ابلاغ کے ساتھ بات کرتے ہوئے دلباغ سنگھ نے کہا کہ علاحدگی پسند حریت رہنما سید علی شاہ گیلانی کی وفات پر کشمیر میں صورتحال بلکل کنٹرول میں ہے اور کہیں بھی کوئی بھی ناخوشگوار واقعہ پیش نہیں آیا۔

انہوں نے مزید بتایا کہ جموں وکشمیر پولیس صورتحال کا جائزہ لگاتار لے رہی ہیں اور جلد ہی کشمیر میں فون اور انٹرنیٹ خدمات کو بحال کیا جائے گا۔

انہوں نے عوام کا شکریہ ادا کیا جنہوں نے امن قائم رکھنے کے لیے جموں و کشمیر پولیس اور سکیورٹی فورسز کے ساتھ تعاون کیا ہے۔