سوپور: شمالی کشمیر کے ضلع بارہمولہ کے سوپور کے ڈاک بنگلہ میں پبلک دربار منعقد کیا گیا۔ اس موقع پر مہمان خصوصی کے طور پر ڈی سی بارہمولہ سید سحرش اصغر DC Baramulla visits soporeموجود تھی اور اس کے ساتھ ساتھ میونسپل کونسل سوپور کی چیئرپرسن مسرت کار بھی موجود رہیں۔ اس پبلک دربار کا مقصد تھا کہ جو بھی سوپور میں تعمیری کام ہوتے ہیں ان کا جائزہ لیا جائے۔
یہ بھی پڑھیں:
اس دوران میڈیا کے ساتھ بات کرتے ہوئے ڈی سی بارہمولہ سید سحرش اصغر نے بتایا کہ آج ہم نے سوپور میں ایک پبلک دربار کا اہتمام کیا اور اس میں سوپور کی سول سوسائٹی کے ساتھ ساتھ دیگر لوگوں نے بھی شمولیت کی۔ انہوں نے بتایا کہ سوپور میں کافی تعمیری کام ہو رہے ہیں اور اس سلسلے میں آج ہم نے ان کاموں کا جائزہ لیا۔
انہوں نے مزید کہا کہ سوپور میونسپل کونسل کافی اچھا کام کر رہی ہے اور گزشتہ چند سالوں سے کافی تعمیری کام ہوئے ہیں اور ہماری کوشش ہے کہ مستقبل میں بھی سوپور کے ہر علاقے میں کام کیا جائے۔ اس کے بعد ڈی سی بارہمولہ نے فروٹ منڈی سوپور کا بھی دورہ کیا اور فروٹ منڈی کے صدر فیاض احمد کے ساتھ ایک میٹنگ بھی کی۔
اس موقع پر فیاض احمد نے ڈی سی بارہمولہ کو بتایا کہ سوپور فروٹ منڈی میں کچھ مشکلات ہیں ان کو دور کرنے کی ضرورت ہے۔ ڈی سی بارہمولہ نے فروٹ منڈی سے وابستہ فروٹ گروورس کو بھروسا دیا کہ آنے والے دنوں میں یہاں کی ساری مشکلات دور کی جائیں گی۔