بارہمولہ میں پولیس کاسنٹیبل بھرتی مہم شروع

شمالی کشمیر کے ضلع بارہمولہ کے ڈسٹرکٹ پولیس لائن میں آج پولیس کانسٹیبل بھرتی مہم کا آغاز کیا گیا جس میں شمالی کشمیر کے تینوں اضلاع کے سرحدی علاقوں سے آئے نوجوانوں نے شرکت کی۔

مرکزی حکومت کی جانب سے سرحدی علاقوں کے نوجوانوں کے لیے دو پولیس کمپنیاں بنانے کے اعلان کے بعد شمالی کشمیر کے بارہمولہ کپواڑہ اور بانڈی پورہ کے نوجوانوں کے لیے آج ڈسٹرکٹ پولیس لائنس بارمولہ میں بھرتی مہم کا اغاز کیا گیا۔

اس دوران نوجوانوں نے خوشی کا اظہار کرتے ہوئے بتایا کہ' ہمیں کافی خوشی ہو رہی ہے کیونکہ انہیں اپنا روزگار کمانے کا ذریعہ فراہم کیا جا رہا ہے'۔ ایک نوجوان نے کہا کہ 'وہ کافی امید لے کر اس بھرتی عمل میں شامل ہونے جا رہا ہے'۔

انہوں نے مزید بتایا کہ 'مجھے بچپن سے پولیس میں جانے کا شوق تھا اور آج میرے لیے خوشی کا دن ہے'۔

واضح رہے کہ بارہمولہ میں تینوں اضلاع کے 800 نوجوانوں کے لیے پولیس کانسٹیبل بھرتی 10 جولائی تک جاری رہے گی اس بھرتی عمل میں اس بار جدید ٹیکنالوجی کا استعمال کیا گیا ہے جس سے یہ بھرتی کا عمل شفاف طریقے سے ہوگا۔