سوپور: ننگلی گاؤں بنیادی سہولیات سے محروم

بارہمولہ کے تحصیل ہیڈ کوارٹر سوپور سے محض دو کلو میٹر دور ننگلی نام کا گاؤں آج بھی بنیادی سہولیات سے محروم ہے۔

شمالی کشمیر کے ضلع بارہمولہ کے تحصیل ہیڈکوارٹر سوپور سے محض دو کلو میٹر دور ننگلی نام کا گاؤں آج بھی بنیادی سہولیات سے محروم ہے۔ لوگوں کے مطابق علاقے میں آج کے دور میں بھی سڑک پانی اور بجلی کا فقدان دیکھنے کو مل رہا ہے۔

اس حوالے سے مقامی لوگوں کا کہنا ہے کہ علاقہ کو انتظامیہ نے بنیادی ضرورتوں سے محروم ہی نہیں بلکہ نظر انداز کررکھا ہے۔

ای ٹی وی بھارت کے ساتھ مقامی لوگوں نے بات کرتے ہوئے بتایا کہ اکیسویں صدی کے اس دور جدید اور ڈیجیٹل دور میں بھی علاقہ بجلی پانی اور سڑک جیسی بنیادی ضروریات سے محروم ہے۔

علاقے کے لوگوں کا کہنا ہے کہ علاقے میں مسائل ہونے کے سبب خواتین کے ساتھ ساتھ بچے بوڑھوں کو کافی پریشان کا سامنا کرنا پڑتا ہے۔

علاقے کے لوگوں کا کہنا ہے کہ انہیں سوپور سے ننگلی تک ٹانگہ کا سفر کرنے کے لیے تین سو روپئے کرایہ ادا کرنا پڑتا ہے جو کہ بہت زیادہ ہے۔ لوگوں کے مطابق علاقے کے لوگ مزدور طبقہ سے تعلق رکھتے ہیں۔

مزیدپرھیں:ترقی یافتہ دور میں بھی بنیادی سہولیات سے محروم علاقہ

علاقے کے لوگوں نے انتظامیہ سے علاقے کو دریش مشکلات پر نظر ثانی کی اپیل کی ہے تاکہ انہیں مسائل سے نجات ملے۔