بارہمولہ: فوج کی جانب سے نوجوانوں کے لیے میوزیکل پروگرام

بارہمولہ میں فوج کے ایک افسر نے بتایا کہ 'آنے والے وقت میں نوجوانوں کو زیادہ موقع فراہم کریں گے تاکہ وہ ملک کا نام روشن کرسکیں۔'

شمالی کشمیر کے ضلع بارہمولہ کے رفیع آباد کے ڈنگی وچہ میں فوج کی جانب سے نوجوانوں اور بچوں کے لیے میوزیکل پروگرام کا انعقاد کیا گیا۔ اس میوزیکل پروگرام میں مختلف اضلاع سے آئے ہوئے بچوں نے شرکت کی۔

اس موقع پر فوج کے ایک افسر نے بتایا کہ 'آج کے اس پروگرام میں مختلف اسکولز سے آئے ہوئے بچوں نے اپنے فن کا مظاہرہ کیا۔ انہوں نے کہا کہ 'ہمارا مقصد ہے ہم زیادہ سے زیادہ نوجوان اور بچوں کو پلیٹ فارم فراہم کریں تاکہ وہ ہندوستان کی کسی بھی ریاست میں جاکر اپنا لوہا منواسکیں۔'

انہوں نے بتایا کہ 'آنے والے وقت میں ہماری کوشش جاری رہے گی اور ہم ان نوجوانوں کو کافی اور مواقع فراہم کریں گے تاکہ وہ ملک کا نام روشن کرسکیں۔

اس سلسلے میں بچوں نے فوج کا شکریہ ادا کیا۔ انہوں نے کہا کہ 'ان کو ایسا پلیٹ فارم فراہم کیا گیا جہاں پر وہ اپنے فن کا مظاہرہ کرسکیں۔ انہوں نے فوج سے گزارش کی کہ آنے والے وقت میں ایسے اور بھی پروگرام ہونے چاہئیں تاکہ وہ ان میں حصہ لے سکیں۔