شمالی کشمیر کے ضلع بارہمولہ کے سوپور قصبہ سے تعلق رکھنے والی گیارہویں جماعت کی طالبہ تسکین پڑھائی کے ساتھ ساتھ کیلی گرافی اور کنوس آرٹسٹ بننے کا کافی شوق رکھتی ہیں۔
گیارہویں جماعت کی طالبہ کی مسحور کن کیلی گرافی تسکین کے مطابق ان کو پینٹنگ کرنے کا بچپن سے ہی شوق تھا اور وہ پڑھائی کے ساتھ ساتھ اس کام کو کافی زیادہ ترجیح دیتی ہیں۔
تسکین نے بتایا کہ وہ پینٹنگ اس لیے کرتی ہیں کہ ان کو اس سے کافی سکون ملتا ہے اور جو بھی وہ پینٹنگ بناتی ہیں اسے سوشل میڈیا پر شیئر کرتی ہیں اور پھر لوگ ان کی پینٹنگ کو کافی پسند کرتے ہیں۔
تسکین نے بتایا کہ جب بھی وہ کبھی ذہنی تناؤ سے گزرتی ہیں تو وہ کوئی پینٹنگ بناتی ہیں اور انہیں راحت محسوس ہوتی ہے۔
تسکین نے بتایا کہ اگرچہ اس کام میں کافی خرچہ آتا ہے لیکن اس کے باوجود وہ اس کام کو کرنا چاہتی ہیں اور اس وقت وہ اس کام سے کافی اچھا کماتی ہیں اور کافی زیادہ خوش بھی ہیں۔
تسکین نے بتایا کہ وہ آنے والے وقت میں فائن آرٹس (fine arts) میں ڈگری حاصل چاہتی ہیں تاکہ وہ اس کام میں اور زیادہ مہارت حاصل کرسکے۔
طالبہ نے بتایا کہ کشمیر وادی کے نوجوانوں میں کافی ٹیلنٹ ہے لیکن وسائل نہ ہونے کی وجہ سے انہیں مشکلات کا سامنا ہے۔ تسکین نے نوجوانوں سے گزارش کی کہ وہ غلط کاموں کی طرف نہ جائیں بلکہ وہ اپنا روزگار پیدا کرنے کی کوشش کریں۔
