Macadamization in Sopore : سوپور میں روڈ میکڈیمائزیشن کا کام شروع

سوپور کے سدپورہ علاقے میں میگڈم بچھانے کا کام شروع کیا گیا ہے، جس سے مقامی لوگوں میں کافی خوشی دیکھی جارہی ہے۔Macadamization in Sopore

سوپور:ضلع بارہمولہ کے سوپور کے سد پورہ علاقے میں پردھان منتری گرامین سڑک یوجنا ( PMGSY) کے تحت میگڈم بچھانے کا کام شد و مد سے جاری ہے۔ اس سڑک کی حالت گزشتہ چند سالوں سے کافی خستہ تھی اور لوگوں کو کافی مشکلات کا سامنا کرنا پڑتا تھا۔ یہ سڑک ضلع بارہمولہ اور ضلع بانڈی پورہ کو ملاتی ہے اور اس پر میگڈم بچھانے سے لوگوں کی مشکلات کا کافی اذالہ ہو سکتا ہے۔

صحافیوں سے بات کرتے ہوئے مقامی لوگوں نے خوشی کا اظہار کیا اور ایل جی گورنر اور ضلع ترقیاتی کمشنر بارہمولہ ڈاکٹر سید اصغر کا شکریہ ادا کیا اور کہا کہ انہوں نے اس سڑک کو پختہ بنایا اور اب انہیں آنے جانے میں کافی سہولت ہونگی۔ مقامی لوگوں نے کہا کہ ہم امید کرتے ہیں کہ مستقبل میں بھی ان کے علاقے میں ایسے ہی ترقیاتی کام ہوتے رہیں گے ۔