شمالی کشمیر کے ضلع بارہمولہ کے سوپور کے ماڈل ٹاؤن علاقے میں بدھ کی شام پیش آئے ایک سڑک حادثے میں 35 سالہ خاتون کی موت ہو گئی اور اس کی ایک بچی حادثہ میں شدید زخمی ہوئی ہے جس کو علاج و معالجہ کے لیے سب ضلع ہسپتال منتقل کیا گیا۔
تیز رفتار ٹرک کی زد میں آکر 35 سالہ خاتون کی موت، بچی زخمی
اطلاع کے مطابق سوپور قصبہ کے ماڈل ٹاؤن اے میں تقریبا چار بجے ایک تیز رفتار ٹرک کی زد میں آکر موٹر سائیکل پر سوار خاتون کی موت ہوگئی۔ پولیس نے اس حادثہ کی تصدیق کرتے ہوئے خاتون کی شناخت میسرہ بیگم زوجہ عبدالرحیم کمار کے طور پر کی ہے۔