سوپور فروٹ منڈی میں بیرس الیکشن بورڈ کے خلاف فروٹ گروورس کا زبردست احتجاج

شمالی کشمیر کے ضلع بارہمولہ کے تحصیل ہیڈ کوارٹر سوپور کی فروٹ منڈی میں فروٹ گروورس نے بیاریس ایسوسی ایشن الیکشن کمیشن کے خلاف جم کر نعرہ بازی کی۔ فروٹ گروورس نے الیکشن لسٹ میں دھاندلیوں کا الزام عائد کیا ہے۔

شمالی کشمیر کے ضلع بارہمولہ کی تحصیل ہیڈ کوارٹر سوپور کی فروٹ منڈی میں فروٹ گروورس نے بیاریس ایسوسی ایشن الیکشن کمیشن کے خلاف جم کر نعرہ بازی کی۔ احتجاجیوں نے میڈیا کے نمائندوں سے بات کرتے ہوئے بتایا کہ سابق صدر کا وقت ایک سال پہلے ختم ہوا ہے لیکن بد قسمتی کی وجہ سے وہ ابھی بھی اس کرسی پر برقرار ہے۔

انہوں نے کہا جب "آج ہم نے جب اس حوالے سے الیکشن کمیشن بیریس یونین کے چیرمین کے ساتھ رابطہ قائم کیا تو انہوں نے صاف طور پر اس بات سے انکار کیا ۔جس کی وجہ سے ہم احتجاج کرنے پر مضبور ہوئے۔

انہوں نے مزید بتایا کہ الیکشن کمیشن بیریس یونین نے ایک ووٹر لسٹ تیار کیا جو بالکل غلط ہے اور جو یہاں پر کام کررہے ہیں ان کا نام ووٹر لسٹ میں موجود ہی نہیں ہے اور جو لوگ کام نہیں کررہے ہیں وہ لسٹ میں موجود ہے۔

احتجاجیوں نے مطالبہ کیا ہے کہ" پہلے ووٹر لسٹ تیار کرو اور پھر الیکشن کی تیاری کرو۔اگر ایسا نہیں کیا گیا تو ہم اس الیکشن سے پوری طرح دور اور بائیکاٹ کریں گے"۔

اس حوالے سے جب میڈیا کے نمائندوں نے الیکشن کمیشن کے سیکرٹری کے ساتھ بات کی تو انہوں نے بتایا کہ اس ضمن میں پہلے سے ہی ایک کمیٹی کو تشکیل دیا گیا ہیں ۔جو اس کی تحقیقات کررہی ہے اور اس کے بعد نئے الیکشن کرائے جائے گے۔