بارہمولہ: عسکریت پسندوں کے چار معاونین گرفتار

بارہمولہ پولیس، فوج اور سی آر پی ایف کی مشترکہ ٹیم نے چار عسکریت پسند معاونین کو گرفتار کیا ہے جن پر سرپنچ کے مکان پر ہینڈ گرینیڈ پھینکنے کا الزام ہے۔

شمالی کشمیر کے ضلع بارہمولہ میں پولیس نے چار عسکریت پسندوں کی گرفتاری کا دعویٰ کیا ہے جن کا تعلق لشکر طیبہ سے بتایا جارہا ہے۔

اس حوالے سے پولیس نے میڈیا کو بتایا کہ گرفتار شدہ چار نوجوان عسکریت پسندوں کے معاون تھے اور انہوں نے چند روز قبل شراکوارہ بارہمولہ میں ایک سرپنچ کے مکان پر گرینیڈ پھینکا تھا جس کے نتیجے میں ایک نجی گاڑی کو نقصان پہنچا تھا۔

اس سلسلے میں بارہمولہ پولیس، فوج اور سی آر پی ایف کی مشترکہ کارروائی میں چار عسکریت پسندوں کے معاونین کو گرفتار کرکے ان کے خلاف کیس درج کیا گیا ہے۔