ٹنگمرگ ہسپتال میں آگ، میٹنگ ہال کو جزوی نقصان

شمالی کشمیر میں ٹنگمرگ ہسپتال میں آتشزدگی کے واقعے میں عمارت کو جزوی نقصان پہنچا تاہم کسی جانی نقصان کی کوئی اطلاع نہیں ہے۔

شمالی کشمیر کے ضلع بارہمولہ کے ٹنگمرگ میں قائم سب ضلع ہسپتال میں ہفتے کی صبح آگ نمودار ہوئی جس سے ہسپتال کے میٹنگ ہال اور رہداری کو جزوی نقصان پہنچا۔

ذرائع نے بتایا کہ ہسپتال کے اندر اچانک آگ نمودار ہوئی جس سے میٹنگ ہال اور راہداری کو جزوی نقصان پہنچا۔

ذرائع نے مزید کہا کہ آگ لگنے کی وجہ سے چھ سات مریضوں کو دوسری عمارت میں منتقل کیا گیا، تاہم فائر اینڈ ایمرجنسی محکمے کے اہلکاروں نے انتہائی مستعدی کا مظاہرہ کر کے آگ کو مزید پھیلنے سے روک دیا۔

آگ کی واردات میں کسی جانی نقصان کی کوئی اطلاع نہیں ہے۔