جموں و کشمیر میں دفعہ 370 کے منسوخی کے بعد یہ پہلا تصادم ہے۔
سکیورٹی فورسز کو شبہ تھا کہ ایک یا دو عسکریت پسند تصادم میں شامل ہیں۔
پولس نے بتایا کہ ہلاک شدہ پولس اہلکار کا نام بلال تھا، عسکریت پسند کی شناخت کی جارہی ہے۔ پولس کے مطابق زخمی سب انسپکٹر امردیپ پریہار کو ہسپتال میں داخل کرایا گیا ہے۔ سکیورٹی فورسز اور عسکریت پسندوں کے درمیان منگل کی شام شروع ہوا تصادم درمیانی شب تک جاری تھا۔ بدھ کی علی الصبح 5.30 بجے جموں و کشمیر پولس نے ٹوئٹ کر تصادم ختم ہونے کی جانکاری دی۔
تصادم میں سیکورٹی فورسز اورعسکریت پسندوں کے درمیان زبردست گولہ باری ہوئی۔ گولہ باری بارہمولہ میں منگل کی شام تقریباً 5 بجے شروع ہوئی اور عوام کے لیے علاقے کی گھیرابندی کر دی گئی۔
دفعہ 370 منسوخی سے پہلے وادی میں کئی تصادم ہوتے رہے ہیں۔ سکیورٹی کے سخت انتظامات کے باوجود بھی ضلع بارہمولہ میں گذشتہ شب شروع ہوا تصادم آج صبح ختم ہوا جس میں ایک عسکریت پسند اور ایک ایس پی او ہلاک ہوگئے۔
واضح رہے کہ 5 اگست کو جموں و کشمیر میں دفعہ 370 کے خاتمے کے بعد وادی کشمیر میں موبائل انٹرنیٹ، براڈ بینڈ، کیبل ٹیلی ویژن اور تمام مواصلاتی رابطے کو بند کر دیا گیا تھا۔
وادی کشمیر میں گذشتہ دو ہفتوں سےعام زندگی مکمل طور پر مفلوج ہو کر رہ گئی ہے۔