سوپور تصادم ختم، 2عسکریت پسند ہلاک

ریاست جموں کشمیر میں ضلع بارہمولہ کے قصبہ سوپور میں تین روز تک جاری رہنے والے تصادم میں 2عسکریت پسند ہلاک ہو گئے ہیں۔

سوپور کے ایس ایس پی جاوید اقبال نے ای ٹی وی بھارت کو بتایا کہسوپور کے وارپورہ علاقے میں جائے تصادم سے دو عسکریت پسندوں کی لاشوں کو برآمد کر لیا گیا ہے۔

جبکہ ان کی شناخت ہونا ابھی باقی ہے۔

ایس ایس پی نے مزید کہا کہ علاقے میں تلاشی کارروائی ابھی جاری ہے اور جائے تصادم کو 'سینیٹائز' کیا جا رہا ہے۔

واضح رہے کہ سوپور میں وارپورہ علاقے میں عسکریت پسندوں کے موجود ہونے کی خفیہ اطلاع پر فوج، سی آر پی ایف اور پولیس کی مشترکہ ٹیمز نے علاقے کو محاصرے میں لیا تھا۔

یہ محاصرہ جمعرات کو شروع کیا گیا تھا جو بعد میں ایک تصادم کی شکل اختیار کر گیا۔