سوپور میں منشیات اسمگلر گرفتار

ریاست جموں کشمیر میں شمالی ضلع بارہمولہ کے سوپور علاقے میں منشیات فروش گرفتار کیا گیا جس کی تحویل سے منشیات کے علاوہ نقد رقم بھی ضبط کی گئی۔

نمائندے کے مطابق سوپور کے وتر گام علاقے میں آج پولیس نے شفقت احمد نامی ایک منشیات فروش کو گرفتار کر لیا۔

پولیس بیان کے مطابق منشیات فروش کی تحویل سے منشیات کے علاوہ اٹھتیس ہزار سات سو پچاس روپے نقد بھی بر آمد کئے گئے۔

اس سلسلے میں پولیس نے معاملہ درج کرکے مزید کارروائی شروع کر دی ہے جبکہ ملزم پولیس حراست میں ہے۔