اوڑی میں لوگ ریچھ سے خوفزدہ

مقامی لوگوں نے ای ٹی وی بھارت کو بتایا کہ 'محکمہ جنگلات کی سست روی کی وجہ سے ہماری جانوں کو خطرہ لاحق ہوا ہے اور اب ہم ریچھ کے ڈر سے گھروں سے باہر نہیں آ رہے ہیں۔'

جموں و کشمیر کے شمالی ضلع بارہمولہ کے اوڑی قصبہ کے اَجرا علاقے میں اس وقت سنسنی اور خوف پھیل گیا جب علاقہ میں اچانک ریچھ کے تین بچے نمودار ہوئے جن میں سے لوگوں نے ایک کو پکڑ کر محکمہ جنگلات کے حوالے کر دیا۔ تاہم دو بھاگنے میں کامیاب ہو گئے جس کی وجہ سے مقامی آبادی میں خوف کا ماحول ہے۔
مقامی لوگوں نے ای ٹی وی بھارت کو بتایا 'محکمہ جنگلات کی سست روی کی وجہ سے ہماری جانوں کو خطرہ لاحق ہوا ہے اور اب ہم ریچھ کے ڈر سے گھروں سے باہر نہیں آ رہے ہیں۔'

انہوں نے انتظامیہ سے اپیل کی ہے کہ وہ ریچھ کے بچوں کو پکڑیں تاکہ لوگ چین کی سانس لے سکیں۔