شمالی کشمیر کے ضلع بارہمولہ کے تحصیل رفیع آباد کے چھزہامہ ڈاک بنگلہ میں 32 آر آر فوج کی جانب سے 'روزگار میلے' کا (Employment awareness Drive) اہتمام کرکے مختلف اسکیموں کے حوالے سے جانکاری فراہم کی گئی۔ پروگرام کا مقصد بھی بے روزگار نوجوانوں کو روزگار کے حوالے سے معلومات فراہم کرنا ہے۔ پروگرام میں بے روزگار نوجوانوں کے ساتھ ساتھ کئی سرکاری محکموں کے افسران اور پرائیوٹ کمپنیوں کو بھی مدعو کیا گیا تھا، تاکہ ان بے روزگار نوجوانوں کو ایک پلیٹ فارم مہیا کرایا جاسکے۔
دیگر محکمہ کے ملازمین کو اس پروگرام میں مدعو کرنے سے یہ فائدہ ہوگا کہ سرکار کی جانب سے جو بھی اسکیمیں منظر عام پر لائی جائیں گی یا جو فی الحال بے روزگار نوجوانوں کو روزگار کے وسائل مہیا کرانے کے لیے نافذ العمل ہیں ان کی بابت وہ براہ راست ان محکمہ کے ملازمین سے رابطہ کرسکتے ہیں اور اس سے متعلق معلومات حاصل کر سکتے ہیں۔