ایک عہدیدار کے مطابق کووڈ گائیڈ لائن کی خلاف ورزی کرنے والوں سے گذشتہ پانچ دنوں کے دوران پولیس کی ٹیموں نے تحصیل اوڑی اور بونیار کے مختلف علاقوں میں کارروائی کی۔
عہدیدار نے بتایا کہ ماسک نہ پہننے کے حکم کی خلاف ورزی کرنے والوں پر جرمانہ عائد کیا گیا ۔
دریں اثناء پولیس کے ایک سینئر افسر نے ای ٹی وی بھارت کو بتایا کہ لوگوں پر جرمانہ اسی لیے عائد کیا جارہا ہے تاکہ لوگ گھر سے نکلتے وقت ماسک لگائیں، اور اس مہلک وبا سے محفوظ رہیں۔
ایس ڈی پی او اوڑی جنید ولی نے ای ٹی وی بھارت سے گفتگو کرتے ہوئے کہا کہ کورونا کی دوسری لہر ہے، ہم لوگوں سے اپیل کرتے ہیں کہ وہ کووڈ کے خطرے کو زیادہ سنجیدگی سے لیں۔ ماسک لگائیں، سوشل ڈسٹنسنگ کا خاص خیال رکھا جائے۔
