بارہمولہ اولڈ ٹاون میں نوجوان کی پر اسرار موت

بارہمولہ کے اولڈ ٹاون علاقے میں آج ایک 16 برس کے نوجوان کی پر اسرار طور پر موت ہوئی ہے۔

ای ٹی وی بھارت کے ذرائع کے مطابق، مباشر نامی نوجوان کی لاش اولڈ ٹاون کے گنی ہمام میں ایک نالی سے برامد کی گئی اس نوجوان کا تعلق گنی ہمام بارہمولہ سے تھا۔

پولیس نے اس سلسلے میں کیس درج کیا ہے اور نوجوان کی لاش کو پوسٹ ماٹم رپورٹ کے لیے ضلع ہسپتال بھیج دیا ہے۔

مباشر کے لواحقین کا کہنا ہے کہ 'یہ قتل کا معاملہ ہے۔ ہم چاہتے ہیں کہ پولیس اس کی پوری طرح سے تحقیقات کریں تاکہ جس نے بھی یہ قتل کیا ہو اس کو سزا ملے۔