شمالی کشمیر کے ضلع بانڈی پورہ کے شادی پورہ گاؤں میں دریائے جہلم کے بنڈ سے مٹی کھسک رہی ہے جس کی وجہ سے یہاں موجود لوگوں کو خدشہ لاحق ہے کہ سردیوں کے موسم میں یہ ایک خطرہ پیدا کرسکتا ہے۔
مقامی لوگوں کو خدشہ ہے کہ 'اگر دریائے جہلم پر اس بنڈ کی مرمت فوری طور پر نہیں کی گئی تو جب پانی کا بہاؤ بڑھ جائے گا تو سیلاب کا خطرہ لاحق ہوسکتا ہے۔
مقامی لوگوں کا مطالبہ ہے کہ بنڈ کی فوری طور پر مرمت کی جائے اور اس کے تحفظ کے لئے ایک دیوار تعمیر کی جائے کیونکہ اگر ایسا وقت پر نہیں کیا گیا تو مزید مسئلہ پیدا ہوگا اور نازک حالت اختیار کرسکتا ہے جس سے کہ سیلابی صورتحال پیدا ہوسکتی ہیں۔ انہوں نے ضلع انتظامیہ سے اپیل کی کہ جتنی جلد ہوسکے بنڈ کی تعمیر کی جائے۔'
یہ بھی پڑھیں:شہر سرینگر اور اطراف میں محرم کے جلوس پر پابندی عائد
وہیں ضلع انتظامیہ نے نوٹس لیتے ہوئے مشینری کو کام پر لگادیا ہے اور بنڈ کے تحفظ کے لئے کام شروع کردیا ہے۔