چیف جوڈیشیل مجسٹریٹ بانڈی پورہ عبدالقیوم میر کی سربراہی میں ڈسٹرکٹ لیگل سروسز اتھارٹی کی ایک ٹیم نے آلوسہ اور اشٹینگو علاقوں کا دورہ کیا۔ جہاں انہوں نے حالیہ بارشوں اور اس کی وجہ سے ندی نالوں میں آئے سیلاب سے ان علاقوں میں ہونے والے نقصانات کا جائزہ لیا۔
مزید پڑھیں:'پتھراؤ کرنے والوں کو نہ سرکاری ملازمت اور نہ ہی پاسپورٹ'
جائزہ لینے پہنچی ٹیم میں سی جے ایم کے علاوہ جے اینڈ کے لیگل سروسز اتھارٹی فار ڈزاسٹر منیجمنٹ کے ممبران جن میں سیکریٹری لیگل سروسز اتھارٹی بانڈی پورہ، فاریقہ نظیر، بلاک میڈیکل آفیسر بانڈی پورہ ڈاکٹر مسرت اقبال، ایڈوکیٹ شعیب احمد دیوانی، ایڈوکیٹ رابعہ حسن اور ایڈوکیٹ ریاض احمد ڈسٹرکٹ کوآرڈینیٹر ٹیم نے آلوسہ کے چیچی نار، کیتسن اور اشٹینگو کے کئی علاقوں کا جائزہ لیا۔اس دوران ٹیم نے تعمیرات اور زراعت کو پہنچے نقصانات کا جائزہ لیا۔ جب کہ اس ٹیم نے کئ مقامی افراد سے بھی ملاقات کر کے ان سے زمینی سطح کے حالات کا جائزہ لیا۔ یہ ٹیم ایک مفصل رپورٹ تیار کرکے جے اینڈ کے لیگل سروسز اتھارٹی کو دو دن کے اندر پیش کرے گی۔