سڑک حادثے میں استاد ہلاک

ریاست جموں کشمیر کے شمالی ضلع بانڈی پورہ میں المناک سڑک حادثے میں ایک شخص کی موت ہوئی ہے۔

نمائندے کے مطابق محکمہ تعلیم میں بحیثیت استاد کام کر رہے نور الدین ریشی اسکول میں چھٹی کے بعد واپس گھر لوٹ رہے تھے کہ بوٹھو کے مقام پر ان کی گاڑی سڑک سے پھسل کر گہری کھائی میں جا گری۔

مقامی باشندوں نے نور الدین کو فوری طور ضلع اسپتال بانڈی پورہ پہنچایا، جہاں ڈاکٹروں نے اسے مردہ قرار دے دیا۔

اس ضمن میں بانڈی پورہ پولیس نے معاملہ درج کرکے مزید کارروائی شروع کر دی ہے۔