آزادی کا امرت مہا اتسو کے تحت سمبل میں صفائی مہم

شمالی کشمیر کے ضلع بانڈی پورہ کے سمبل سوناواری میں سمبل میونسپل کمیٹی کی جانب سے آزادی کا امرت مہا اتسو منانے کے حوالے سے ایک صفائی مہم کا انعقاد عمل میں لایا گیا۔

صفائی مہم میں سمبل علاقے کے مختلف مقامات پر میونسپل کمیٹی سمبل کی جانب سے صفائی مہم کا اہتمام کیا گیا۔ اس سلسلے میں سمبل میونسپل کمیٹی نے گھر گھر صفائی ستھرائی کے حوالے سے لوگوں کو بیداری کی ایک پہل شروع کی ہے جو کئ روز تک جاری رہے گی۔

اس موقع پر سمبل میونسپل کمیٹی کے صدر و سیکرٹری کے علاوہ سمبل کے کئ معزز شہریوں سمیت مساجد کے امام کو بھی مدعو کیا گیا تاکہ لوگوں کو صفائی کے حوالے سے ضروری ہدایات دی جائے۔
اس موقع پر چیئرمین میونسپل کمیٹی سمبل کےجہانگیر احمد نے موقع کی مناسبت سے اظہار خیال کیا اور کہا کہ آزادی کا امرت مہا اتسو ہر شعبہ اپنے اپنے طریقے سے منا رہا ہے،تاہم میونسپل کمیٹی نے اس کو منانے کے لئے ایک منفرد پہل شروع کی ہے جس کے دوران وہ گھر گھر جاکر لوگوں کو صحت و صفائی کے حوالے سے بیدار کریں گی۔

میڈیا سے بات کرتے ہوئے میونسپل کمیٹی چیئرمین جہانگیر احمد نے کہا کہ اس مہم کا مقصد صاف صفائی کا ایک ماحول پیدا کرنا ہے۔ انہوں نے کہا کہ وہ یہ مہم جاری رکھیں گے تاہم لوگوں کو بھی چاہیے کہ وہ اپنے آس پاس کے ماحول کو صاف رکھیں۔