بانڈی پورہ پولیس نے بھتہ خور گینگ کا پردہ فاش کیا

شمالی کشمیر کے ضلع بانڈی پورہ میں پولیس نے ضلع میں سرگرام بھتہ خور کے ایک گروہ کا پردہ فاش کرنے کا دعوی کیا ہے۔ پولیس نے اس سلسلے میں ایک ملزم اعجاز احمد شیخ کو گرفتار بھی کیا ہے۔

تفصیلات کے مطابق بانڈی پورہ پولیس کو اطلاع ملی تھیں کہ نامعلوم افراد بانڈی پورہ قصبے کے مختلف علاقوں میں شام کے اوقات میں لوگوں سے چاقو دکھا کر لوٹا جارہا ہیں اور عسکریت پسندوں کا نام استعمال کرتے ہوئے انہیں دھمکیاں بھی دے رہے ہیں۔

بانڈی پورہ پولیس نے اس سلسلے میں ایک کیس درج کرکے تفتیش شروع کر دی۔

پولیس کے مطابق تفتیش کے دوران تمام تکنیکی اور دیگر انسانی وسائل کی مدد سے ایک ملزم عجاز احمد شیخ ساکن بانڈی پورہ کو گرفتارکیا گیا اور اس سے پوچھ تاچھ کی گئی۔پوچھ تاچھ کے دوران ملزم نے انکشاف کیا کہ وہ لوگوں کو چاقو دکھا کر لوٹنے اوردھمکانے کے جرائم میں ملوث ہے۔

پولیس کے مطابق مذکورہ ملزم سے چاقو برآمد بھی کیا گیا ہے اور مزید تفتیش جاری ہے۔

پولیس بیان میں مزید کیا گیا ہے کہ اس سلسلے میں اور بھی گرفتاریاں متوقع ہیں بیان میں کہا گیا ہے کہ اس جرم کا مقصد عام لوگوں سے چاقو اور عسکریت پسندوں کا نام لے کر خوف میں ڈالنے کے بعد ان سے پیسے لوٹنا ہے۔