بانڈی پورہ: ڈرینج سسٹم کی عدم موجودگی سے مقام لوگ پریشان

شمالی کشمیر میں ضلع بانڈی پورہ کے اجس گاؤں میں ڈرینیج کا مناسب نظام نہ ہونے کی وجہ سے سڑکوں کی حالت ابتر ہوتی جارہی ہے۔

مقامی لوگوں کے مطابق جب بھی علاقے میں بارش ہوتی ہے تو ڈرینیج سسٹم کی غیرموجودگی کی وجہ سے سڑکوں پر پانی جمع ہوجاتا ہے جس کے سبب یہاں کی سڑکیں تباہ ہوجاتی ہیں۔ مقامی لوگوں کا کہنا ہے کہ سڑکوں پر پانی جمع رہنے کے سبب سڑکوں کی حالت خستہ ہوچکی ہے جس کی وجہ سے مقامی دکانداروں اور راہگیروں کو بہت مشکلات کا سامنا کرنا پڑتا ہے۔ مقامی لوگوں کے مطابق پانی ٹھہرے رہنے کی وجہ سے راہگیروں کو سڑک پار کرنے میں کافی مشکلات پیش آتی ہیں۔

لوگوں کا کہنا ہے کہ انہوں گذشتہ کئ ماہ کے دوران انتظامیہ کو متعدد بار اس بارے میں توجہ دلائی گئی تاہم اس معاملے میں کوئی قدم نہیں اٹھایا گیا۔ انہوں نے ضلع انتظامیہ سے مطالبہ کیا ہے کہ علاقے میں سڑکوں کی مرمت کے علاوہ مناسب ڈرینیج سسٹم کے لیے اقدامات اٹھائے جائیں تاکہ مقامی بستی کے علاوہ یہاں سے چلتے پھرتے راہگیروں کو بھی دشواریوں کا سامنا نہ اٹھانا پڑے اور سڑکیں بھی محفوظ رہیں۔