بانڈی پورہ: یومِ آزادی کی بڑی تقریب کا شیرِ کشمیر اسٹیڈیم میں انعقاد

بانڈی پورہ میں یوم آزادی کے موقع پر شیرِ کشمیر اسٹیڈیم میں ایک تقریب منعقد کی گئی۔

جموں و کشمیر کے ضلع بانڈی پورہ میں یوم آزادی کے موقع پر شیرِ کشمیر اسٹیڈیم میں ایک تقریب منعقد کی گئی۔ ڈی ڈی سی چیئرمین عبدالغنی بٹ نے قومی پرچم کشائی کی اور پریڈ کی سلامی لی۔ مارچ پاسٹ میں جموں وکشمیر پولیس، تھرڈ بٹالین سی آر پی ایف، جموں وکشمیر آرمڈ پولیس، آئی آر پی 21 بٹالین، جموں وکشمیر ہوم گارڈز، جموں وکشمیر ایس پی اوز، جے کے این سی سی، اور اسکولی بچوں نے حصہ لیا۔

اس موقع پر ضلع ترقیاتی کمشنر بانڈی پورہ کے علاوہ پولیس، فوج، اور سول انتظامیہ کے کئی دیگر افسران بھی اس تقریب میں شریک ہوئے۔

ڈی ڈی سی چیئرمین نے عوام کو مبارک باد دی اور ضلع میں ترقیاتی کاموں کا خاکہ بھی پیش کیا۔

کئی ثقافتی پروگراموں کے بعد کووڈ میں کام کرنے والے افراد اور مختلف محکموں میں کام کرنے والے کئی افراد میں انعامات اور سند تقسیم کی گئیں۔