'ووٹ کی خاطر احتجاجی مظاہرہ کیا گیا'

شمالی کشمیر کے ضلع بانڈی پورہ میں عوامی اتحاد پارٹی کی جانب سے ورکرس کنونشن کا اہتمام کیا گیا جس میں پارٹی کے کارکنان نے شرکت کی۔

کنونشن میں پارٹی کے صدر انجنیئر عبدالرشید نے خطاب کیا۔

اس موقع پر انجنیئر عبدالرشید نے کہا کہ 'پی ڈی پی اور نیشنل کانفرنس نے قومی شاہراہ پر پابندی کے خلاف جو احتجاج کیا۔ اس کا مقصد صرف عوام کے ووٹ حاصل کرنا ہے'۔

خیال رہے کہ پی ڈی پی اور نیشنل کانفرنس نے قومی شاہراہ پر عام شہریوں کی نقل وحمل پر پابندی کے خلاف احتجاجی مظاہرہ کیا تھا۔