بانڈی پورہ: کورونا صحت یابی شرح میں اضافہ

ضلع ترقیاتی کمشنر بانڈی پورہ ڈاکٹر اویس احمد نے پریس بریفنگ کے دوران ضلع میں عالمی وبا کورونا وائرس کی موجودہ صورتحال سے متعلق تفصیلات فراہم کرتے ہوئے کہا کہ ضلع میں مثبت معاملات کی شرح میں کمی درج کی گئی ہے ۔

ڈی سی بانڈی پورہ ڈاکٹر اویس احمد نے ضلع میں عالمی وبا کورونا وائرس اور ویکسینیشن مہم سے متعلق تفصیلات فراہم کرتے ہوئے کہا کہ ضلع میں اس وقت صرف 28 فعال معاملات ہیں جن میں سے 27 اپنے گھروں کے اندر ہی قرنطینہ پر رکھے گئے ہیں جبکہ ایک اسپتال میں زیر علاج ہے ۔

انہوں نے عوام سے کورونا کے پھیلاؤ کو روکنے کے لیے وضع کیے گئے رہنما خطوط پر سختی سے عمل کرنے کی تلقین کی۔

ضلع ترقیاتی کمشنر نے کہا کہ ضلع میں کورونا وائرس سے متاثرہ ہوکر صحت یاب ہونے والے افراد کی شرح کافی اچھی ہے اور اس سے اندازہ کیا جاسکتا ہے کہ ضلع میں دھیرے دھیرے کورونا وائرس میں کافی حد تک کمی واقع ہورہی ہے۔

کورونا ٹیسٹنگ کے حوالے سے تفصیلات فراہم کرتے ہوئے انہوں نے کہا کہ اس وقت ضلع میں روزانہ 1500 سے 2000 ٹیسٹ کئے جاتے ہیں ۔