ڈی سی بانڈی پورہ ڈاکٹر اویس احمد نے ضلع میں عالمی وبا کورونا وائرس اور ویکسینیشن مہم سے متعلق تفصیلات فراہم کرتے ہوئے کہا کہ ضلع میں اس وقت صرف 33 فعال معاملات ہیں۔ تاہم انہوں نے عوام الناس سے کورونا کے پھیلاؤ کو روکنے کے لیے وضع کیے گئے رہنما خطوط پر سختی سے عمل کرنے کی تلقین کی۔
انہوں نے کہا کہ ضلع میں کورونا وائرس سے متاثر ہوکر صحتیاب ہونے والے افراد کی شرح کافی اچھی ہے اور اس سے اندازہ کیا جاسکتا ہے کہ ضلع میں دھیرے دھیرے کورونا وائرس میں کافی حد تک کمی واقع ہورہی ہے۔ کورونا ٹیسٹنگ کے حوالے سے تفصیلات فراہم کرتے ہوئے انہوں نے کہا کہ اس وقت ضلع میں روزانہ 1500 سے 2000 ٹیسٹ کیے جارہے ہیں۔
انہوں نے لوگوں سے کورونا وائرس کے متعلق جاری رہنما خطوط پر عمل پیرا ہونے کی تلقین کرتے ہوئے کہا کہ ماسک کا استعمال لازمی بنانا چاہئے اور یہی ایک طریقہ ہے کہ جس سے اس صورتحال پر قابو پایا جاسکتا ہے۔
