سمبل بانڈی پورہ میں کورونا بیداری ریلی نکالی گئی

شمالی کشمیر کے ضلع بانڈی پورہ کے سمبل سوناواری میں سب ضلع انتظامیہ کی جانب سے ایک ریلی کا انعقاد کیا گیا جس کا مقصد لوگوں کو کورونا وائرس کی تیسری متوقع لہر کے بارے میں آگاہی فراہم کرنا ہے۔

ریلی سمبل سب ضلع ہیڈکواٹر سے شروع کی گئی اور سمبل مارکیٹ کے آخری حصے تک جاری رہی۔ ریلی میں لوگوں کو کورونا وائرس کے حوالے سے سنجیدہ ہونے کی جانکاری دی گئی-

ریلی کی سربراہی سب ضلع مجسٹریٹ سمبل ڈاکٹر بشیر احمد لون نے کی ہے وہیں ان کے ہمراہ دیگر افسران بھی شامل تھے
ریلی میں شامل لوگوں نے ہاتھوں میں پلے کارڈس اٹھا رکھے تھے جن پر کورونا وائرس سے متعلق رہنما خطوط درج تھے -
اس دوران میڈیا سے بات کرتے ہوئے ایس ڈی ایم سمبل نے کہا کہ "اگرچہ بانڈی پورہ میں کورونا وائرس پر کافی حد تک قابو پایا گیا ہے لیکن خطرہ مکمل طور پر ختم نہیں ہوا ہے"۔

انہوں نے عوام سے اپیل کی کہ وہ کورونا وائرس سے متعلق جاری رہنما خطوط پر عمل کرتے رہے تاکہ کورونا وائرس کی تیسری متوقع لہر سے لوگ محفوظ رہے