ترال: محکمہ وائلڈ لائف کے عملے نے ریچھ کو پکڑلیا

ترال میں محکمہ وائلڈ لائف کے عملے نے ایک بھاری بھرکم ریچھ کو پکڑلیا جس کے بعد مقامی باشندوں نے اطمینان کی سانس لی۔

مرکز کے زیر انتظام خطہ جموں و کشمیر کے ترال علاقہ کے ہردومیر میں محکمہ وائلڈ لائف کے عملے نے ریچھ کو پکڑنے کے کے لئے آپریش کی شروعات کی تھی۔ کافی مشقت کے بعد بالآخر محکمہ کے عملے نے بھاری بھرکم ریچھ کو پکڑنے میں کامیابی حاصل کی۔

در اصل یہ ریچھ ایک مقامی باشندہ کے مکان کے احاطہ میں چھپا ہوا تھا جس کے بعد محکمہ کے عملے نے اسے پکڑنے کے لئے آپریشن کی شروعات کی تھی۔

محکمہ وائلڈ لائف کے عملے کی جانب سے بھاری بھرکم ریچھ پکڑے جانے کے بعد مقامی باشندوں نے اطمینان کی سانس لی ہے۔ مقامی باشندوں کا کہنا ہے کہ وہ ریچھ کے خوف کے سبب اپنے گھروں کے اندر ہی قید ہوکر رہ گئے تھے۔ تاہم محکمہ کے کے عملے نے اسے پکڑ لیا۔

وائلڈ لائف کنٹرول روم ترال کے انچارج محمد یوسف نے میڈیا کو بتایا ریچھ کی موجودگی کی اطلاع موصول ہونے کے بعد انھوں نے اس ریچھ کو پکڑنے کی کارروائی شروع کی اور چند گھنٹوں بعد اس ریچھ کو پکڑنے کے میں میابی حاصل کی۔

انھوں نے مزید بتایا کہ محکمے کے ڈیلی ویجرس کے تعاون کے بغیر اس ریچھ کو پکڑنا ممکن ہی نہیں تھا۔