بانڈی پورہ: انٹرنیشنل دہلی پبلک اسکول میں اسمارٹ کلاس روم کا افتتاح

جموں و کشمیر کے ضلع بانڈی پورہ میں انٹرنیشنل دہلی پبلک اسکول میں آج ضلع ترقیاتی کمشنر نے اسمارٹ کلاسز کا افتتاح کیا۔

بانڈی پورہ کے انٹرنیشنل دہلی پبلک اسکول میں آج ایک رنگا رنگ تقریب کے دوران ضلع ترقیاتی کمشنر نے اسمارٹ کلاسز کا افتتاح کیا. اس موقع پر اسکول انتظامیہ نے کئ تقریب کا اہتمام کیا تھا جس میں موسیقی سے لے کر ڈرامے اور دیگر کلچرل پروگرام قابل ذکر ہیں۔

اس کے علاوہ اسکول انتظامیہ نے ڈی ڈی سی بانڈی پورہ اور دیگر مہمانوں کو اسمارٹ کلاسز کا ڈیمو پیش کیا۔ ضلع ترقیاتی کمشنر نے اس اسمارٹ کلاسز کی کافی سرہانا کی۔

اس موقع پر انہوں نے سینکڑوں کی تعداد میں موجود طلباء اور ان کے والدین سے موجودہ دور میں تعلیم میں ٹیکنالوجی کی افادیت کو اجاگر کرتے ہوئے کہا کہ آنے والے وقت میں تعلیم کے شعبے میں ٹیکنالوجی اور ڈیجٹلائزائشن نمایاں کردار ادا کرے گا۔

انہون نے کہا کہ یہ ایک اہم شروعات ہے اور آنے والے وقت میں سرکاری اسکولوں کو بھی اس طرح کی سہولیات سے روشناس کرایا جائے گا۔